Ricete furlane

Tajé a segoea a fetine sotii e fèe dorar in un fià de ojo. Podopo xonteghe e patate tajae a pesetini cei cei e cuxinée tuto a fogo baso fin quando e sarà diventae cote e tenare (se voé xonteghe un fia de aqua). Meté un fiatin de sal e pevaro inte el composto. A sto punto unie i do tipi de formajo che gavarè precedentemente tajà a fetine sotii e fee cuxinar el toto par ciarca diexe minuti par parte mescoeando ben. Cavé dal fogo e servie el frico suito!.

Preparé a pasta smisiando a farina co acqua e sal, dopo asela ripoxar par circa 20 minuti. Par el ripién, lesèe e patate, pasele al setacio e smisiè ben tuto co a segoea (fata roxoear inte el butiro), a canela, l'uveta, sucàrp, menta e a scorsa gratugiada de limon, quindi xontèghe sal e pevaro. Tirè a pasta fina fina co el matarel e ritajé dei dischi del diametro de 7 schei. Deghe na spenelada ai dischi col vovo sbatuoe su ogni disco meteghe un fià de ripien. Quindi sereli ben fracando sui bordi. Buté i cjalsòn (gli agnoloti in furlan) in acqua de bojo salada e pena i vien su, tirei fora. Infine consèi co butiro fuso, ricota gratada, un fià de canela e un gnignin de sucaro.