Palmanova: a cità fortesa

Dettagli

Pubblicato Martedì, 03 Gennaio 2012 17:29

Scritto da Daniele

Palmanova xe na cità in provincia de Udine e se trova inte na poxision centrale del Friuli Venesia Julia, le conosua come cità stelata par à so pianta poligonale a stela co 9 ponte (podèe incorxarve de sta roba vardando dal satelite co google maps.
A' so storia a taca inte el XVI sec. co el teritorio furlan caraterizà da na serie de confini a macia de leopardo, dove enclaves de dominio venesian si inseria in aree soto el controlo asburgico e viceversa. Par protegiar el proprio confin orientale Venesia se ga meso in moto par costruir sta fortesa (1593), a cui unicità a sta nel fato de poder mostrar al visitator e inovasion che nei secoli à siensa dele fortificasion a iera drio imaginarse.

Se inte el tardo Sinquecento l'uxo de l'artiglieria richiedea ampi, basi e posenti terapieni par protegiare na cità, qua Venesia li ga costruii, dotando a so nova “creatura” de cortine, baluardi, fosà, e rivelini a protesion dele tre porte dela cità.
El viajo par scoprir sta grandiosa machina belica inisia a l'uficio turistico, visin a Piasa Grande, dove ve vegnarà fornii na pianta turistica dela cità e na breve storia. No stae qua a dirve un percorso da far, perchè coa piantina in man el percorso podèe farvelo vialtri e pasar in sto posto na bea xornada.
Merita sicuramente na visita à Piasa Granda, indove se afacia i palasi pi importanti, tra cui a Logia dela Gran Guardia, el Palazzo del Proveditor e el Duomo Dogale che ga rento dele importanti opere tra e quali Ve ricorde: a pala de l'altar magior raffigurante el Redentor, eseguia da Domenico Fabris nel 1854 e à Madona lignea dela fine del Quatrosento, attribuia al scultor Giandomenico da Tolmezzo.
Ghe xe inoltre do musei: uno civico storico con na bea colesion de armi e armature riguardanti i diversi periodi storici, e uno storico militar a l'interno de Porta Cividale, ove xe esposti ogetti, mape, cimeli, documenti e uniformi dei vari corpi che ga abità a fortesa: dale origini ala Seconda Guera Mondiale.
Da Porta Cividale xe posibile amirar el sistema difensivo che circondava l'abitato mantenendoVe lungo el caminamento “in quota”, mentre percorendo el fosà se pol renderse conto de l'imponensa dele mura e de come e trupe podea spostarse da na postasion a chealtra sempre ben riparae dal fogo nemigo.
Ulteriori informasion podèe catarle inte el sito www.palmanova.it