VAL DE BRAIES e PRATO PIASA

A VAL E EL LAGO

A Val xe situada sul confin nord del Parco Naturale de Fanes-Sennes-Braies (uno dei pi grandi de l'Alto Adèxe) e a xe fasilmente ragiungibile ciapando strada par la Val de Braies tra Villabassa e Monguelfo. Braies in celtico significa palude ma el turista se incorxarà che questa xe na base ideale par na vacansa riposante e rica de spunti. Qua ghe xe do luoghi molti famosi che i ga na natura ancora intata: el lago de Braies (definio a perla dele Dolomiti) e l'alpegio de Prato Piasa (a 2000mt), entrambi mete e punto de partensa de tanti sentieri. I amanti de sport invernali qua i pol praticar sì nordico e slitin o 'ndar ale poco distanti piste da sì de Plan de Corones, mentre par chi serca un fià de svago nele vicinanse ve ricordemo el paexe de Dobbiaco co el so lago. I sentri principali i xe: Ferrara, S. Vito di Braies, Braies di Fuori e Braies di Dentro, ma non pensé de catarve tanti negozi. El Lago de Braies xe un lago alpino ceo a 1.496mt che sera a vale omonima, xe situà ai pié dela granda montagna dea Croda del Becco.

GIRO DEL LAGO DI BRAIES

partendo dala capela soe rive del lago se fà el jiro torno a "Perla de le Dolomiti", co la famoxa Croda del Bec che se specia maestosa inte so aque. Parte del jiro el xe fato da dele scale e paserele in legno on mucio sujestive. Co na deviasione de 20 min. se riva a Malga Foresta indove se pol magnar o cronpar prodoti tìpisi. Par chi no ga voja de caminar ghe xé la posibilità de noejar dele barche.
Dificoltà: fasie Tempo de percorensa: 1,5h

SENTIERO DEI DODEXE APOSTOLI

scumisiando dal Lago de Braies se va sù drio on sentiero poco segnalà e on mucio difìsile, fin rivar a caminàr propio darente ai masìcci de ròcia. Ndando vanti se volta torno sta formasión de montagna e se varda el Sàso del Signor
Dificoltà: AltA Tempo di percorenSa: pa colpa de la neve drio la strada no semo riusìi a finirlo

PRA PIASA

SENTIERO PRATO PIASA / MONTE SPECIE

scumisiando da l'Alpejo de Prà Piàsa se và vanti in diresión del Rifujo de Vallandro indove lì in jiro ghe xe dele trincee e na baracà militar de la la Goera Mondiale. Dopo se và vanti jirando torno el Pìco de Valandro fin a rivar a la Croxe mésa in sima al Monte Specie. Da qua se pol vardar on panorama on mucio belo de Val Pusteria, le Tre Cime de Lavaredo e la Croda Rósa... pa no parlar del panorama alpìn tuto intorno.
Dificoltà: media Tempo di percorensa:4h 'ndar e tornar.