VAL DE FOSSE

EL NOSTRO ITINERARIO

A' Val de Fosse, al'interno del Parco Naturale del Grupo de Tessa, xe na vale lateral dela Val Senales traversada dal Rio Fosse che fa sentir a so voxe lungo tuto la vale. Xe una dei posti pi richi de salvarego de l'Alto Adèxe e l’'ambiente xe ancora alo stato "brado" formà da boschi de larici, prati, iaso e neve (anca d'istà). Lungo à strada forestale ghe xe na serie de maxi e casere che d'istà ofre ai turisti posibililità de ristoro e de dormir. El nostro itinerario segue el percorso naturalistico “Vivar e malghe” e presenta na lunghesa de sirca 5km . Se parte dal parchegio visin Casera de Fora e seguendo à strada forestale in un’'oreta se riva a Malga Casera di Mexo (1954mt) ; qua un semplice model de centrifuga da butiro Ve invita a girar a manovela par conosar i modi de lavorasion del butiro e un canal iriguo (“Waal”), insieme al tabelon, i mostra un eficace sistema de irigasion che i doparava qua. Dopo un quarto d'ora se riva ala Malga Rableid dove un panel ne da informasion sirca el progeto de reinserimento del stambec; se gavé un canocial e see fortunai podé vedar sti gran arampicatori mentre i se sposta qua e la saltando sue roce altrimenti podé amirar e catene montuose che Ve sirconda. N'altra mexoreta e finalmente rivé a Maxo Iasà dove termina a strada forestale e anca el nostro itinerario co na splendida vista soa Sima Altisima Cima Altissima (3480 m) che le come che la fuse el confine visivo dea Val de Fosse. Dificoltà: fasie ; Tempo de percorensa: 4,5h (andata e ritorno)