VAL GARDENA

ORTISEI

Xè el paexe prinsipale dela Val Gardena, co na bea tradision turistica e artistica. El sentro, co a so buleghìna xòna pedonale serada sempre al trafico e co anca bagni publisi sempre neti, xè pien de boteghe de ricordi e de artigiani del legno. Tramite à caminàda Luis Trenker se pol rivar da fora paèxe fin al sentro storègo, sensa dover caminà dove pasa e machine, e podopo se pol 'ndar o verso la funivia che ve porta a l'Alpe de Siusi (Seiser Alm - Mont Sëuc), o co n'altra che porta a Sëceda o ancora ala segiovia che va su fin Rasciesa - Raschötz. Se invese sèe strachi, ndèe rilasarve ale pisine Mar Dolomiti che, se dormiè in un albergo convensionà e xe gratis!

DOLFI LAND

Un mondo tuto da scoprir co na superficie de 45.000mq interamente dedicada a l'antica arte gardenexe de l'intaglio del legno. El mercatin natalisio verto tuto l'ano, splendide scolture dell natività, reoji a cucù, scachiere, tuti fati e dipinti a man da esperti maestri che porta vanti à tradision e che i rende ogni toco unico e iripetibile. Dolfi xe anca museo, sinema e lounge, con specialità tipiche de l'Alto Adèxe.
Entrata libara, par saverghene de pi ndèe sul sito www.dolfi.com