VAL SENALES

I PAEXI

A Val Senales le ramai famoxa in tuto el mondo par el ritrovamento de Oetzi, a mumia del Similaun. Xe un posto onde el tempo sembra esarse fermà co i masi dei contadini sparsi qua e la e a poca confuxion moderna I paexeti i xe tuti picenini e i conserva che saor alpin che el turismo de unquò ga cavà a dei posti pi noti de questo.
I sentri che compone a valata i xe: Monte Santa Caterina pena che enté inte la vale; Certosa costruia visin ala Certosa del Monte degli Angeli (1326); Madonna di Senales sede de uno dei santuari pi veci del Tirolo e dell'Archeoparc (un muxeo che conta a vita de Oetzi); Vernago co el so lago, e Maso Corto sede dei impiante di risalita che porta ale piste da sì verte tuto l'ano e a dove xe sta catà l'omo dei iasi.

Sta valata a ciapa el so nome dal Rio Senales che la traversa. Caminando par i sentieri ve incorxaré de come xè fasie incontrar rii e bresàne che co el so rumor acompagna a vostra caminada.

E MONTAGNE

Sto posto xè sircondà da masici che i supera i 2000 metri.

GIRO DEL LAGO DE VERNAGO

Sto trodo che fa el giro del lago (artificiale) xe pitosto fasie co qualche su e xò che no crea dificoltà e che ve permete de vedar bei panorami traversando boschi, ponti tibetani (sicuri) e anca lama e piegore. Se el livel del lago xè baso, podè vedar el campanil dela cièsa vecia de Vernago.
Dificoltà: fasile; Tempo de percorensa: 1h 3/4

TRODO MARIANO

fasile parcorso in mexo a un bosco de larici che colega Certosa a Madonna di Senales e lungo el qual xe sta piasae dee sculture lignee che rapresenta a vita dea Madona.
Dificoltà: fasile; Tempo de percorensa: 1h

TRODO DA VERNAGO A MASO CORTO

Bea caminada anca se un fià longa (sirca 15 km tra 'ndar e tornar). Se parte dal parchegio de fronte a Cièsa de Vernago e se taca a far el giro del lago fin a rivar al giro de boa, quando se imboca el trodo che porta a Maso Corto pasando par boschi, pascoli e anca qualche maso onde xè se pol vedar i animai (vache e piegore) e atività dei contadìn e o anca magnar e bear par dopo proseguir verso a meta dove ghe xe i impianti de risalita che ve porta al ghiaciaio el posto dove xe sta catà Otzi. El dislivel tra partensa e arivo le de 300mt.
Dificoltà: media (vista a longhesa); Tempo de percorensa: 7h 'ndar e tornar