Ricete trentine e tirolesi

Scaldé a fogo bàso el butiro e co'l se gà desfà xontèghe la moéna de pan sbrixolà. Voltàndole de continuo xontèghe: i vovi intieri, la farina, el presémolo, el lat intiepidìo e el sal. Smisiè tuto co atensión e lasè dopo repoxàr pa 30 minuti. Dopo, doprando quelo che gavì còto, formè co le man (mejo se inumidie) dele balete larghe squaxi 4cm. Fè bójare el brodo e butèghe rento i canederli lasàndoli cuxinàr pa squai 20 minuti.

Impastè insieme a farina, el vovo, el butiro e un fià de sal e tanto lat fin a otegnar na pasta sofice e lisia. Formé un rodolo longo e tajeo a tocheti, riduxèndoli podopo in na sfoja sotile del diametro de ca. 10 schei. Smisié dopo insieme ala puina, i spinace ( pasai e salai), in modo da formar un ripien bastansa denso. Su metà sfoja meteghe un strato de ripien e cuerxèe co l'altra metà. Schinsé acuratamete i bordi de ogni singola fritoea, girandola da entrambi i lati. Ala fine frixé inte l'ojo caldo e girale da tute do e parti finchè no e diventa dorae. Ste fritoe se serve solitametne come contorno co na minestra de orxo o altri tipi de minestre.

Mescoè insieme el lat, i vovi, a farina e el sal fin a far na pasta bea uniforme. Tajè a tocheti fini fini i pomi e xontei al composto. Versèe un poco de ojo inte na padela e ricoprie el fondo co a el composot faxendo frixar a fortaja da tute do e parti, dopo tajea in tanti tocheti; sta operasion dovei ripetarla fin finir tuta la pasta fata prima. El "puessl", cosparso de sucaro a velo, vien de soito servio co marmeata de mirtilii o co a macedonia. Par dare un gusto pi rafinà se pol xontàr ala pasta na manada de uva pasa tociada inte el rum o a graspa.