Da Canal d'Agordo a Gares
- Dettagli
- Publicà el Venerdì, 10 Maggio 2013 09:30
- Scrit da Daniele
A matina no promete gnente de bon, ma desidemo de partir isteso. El tempo in sto inisio de 2013 no le sta un granchè e ne ga impedio de far e nostre solite escursion in montagna; comunque bisogna anca 'ndar dar un ocio ala situation par vedar come i xe mesi i percorsi, quindi pareciemo el xaino e via, diresion Canal d’Agordo. Lungo a strada, a Agordo, catemo a piove…oh no!!!! Comunque ormai a meta xe decisa quindi avanti tuta.
Rivai a Canal parchegiemo a machina da drio a Cièsa, na rapida ociada al tempo che sembra el ne dixa…dai veoci, moveve, che dopo tache far quel che vui mi! Se parte.
L'Abasia del Galateo sul Montel
- Dettagli
- Publicà el Giovedì, 28 Febbraio 2013 17:03
- Scrit da Daniele
L’Abasia del Galateo, dedicada a Sant Eustachio, a vien fora maeastosa dal Montel, rapresentando uno dei elementi pi in vista de sto cole. Costruita inte a prima metà del XI secoLo par voler dela potente fameja dei Collalto, a xe stada in seguito donada ai Benedetini e votada a Sant’Eustachio, soldà-martire protetor dei combatenti. A legenda dixe che qua sia costudia a reliquia del braso del Santo.
Grasie ale importanti donasion e protesion dei Collalto, l’importansa de sto posto le cresua tanto e inte la metà del 1500 el ga ospità dei personaji famoxi par l’epoca, tra cui el Monsignor della Casa che qua el ga scrit “Il Galateo”, dedicando alcuni versi al Montel. A sto periodo de splendor, xe seguio l’inexorabile decadimento de l’Abasià … finio co a Prima Guerra Mondiale che qua a ga visto uno dei so teatri pi tragici e che a ga ridoto sto bel complesso a un cumulo de rovine.
Dal Canbel del Vajont a Casera Ditta
- Dettagli
- Publicà el Mercoledì, 07 Novembre 2012 20:25
- Scrit da Daniele
Sto itinerario ne permete de scoprir un posto novo, fora dai soliti itinerari torno el Canbel. Parchegemo a machina in uno dei posti visin la diga e se incaminemo verso drita. Dopo un sentenaro de metri dal canbel, soa sanca se vede na parete che vien dopàrada come palestra de rocia. Femo naltre do curve e ciapemo a stradela che vien xo da drita (se pol parchegiar a machina sul spiaso a bordo strada).
A strada la traversa a frana e a ne porta a Pineda e permetendone de vedàr el Monte Toc e a famoxa "M" de Muller che la se ga formà dal distaco dela parete del monte.
Santuario Madona de£a Corona
- Dettagli
- Publicà el Giovedì, 24 Gennaio 2013 13:53
- Scrit da Daniele
El Santuario Madonna dela Corona (a Spiazzi in provincia de Verona) xe incastonà inte un groton lungo el bordo orintale del Monte Baldo. Qua vien venerà na statua incoronada de l’Adolorata che, scolpia sua pièra inte el 1432, saria miracolosamente aparsa suLa parete rociosa del Bando inte el 1522. El Santuario xe, vista a so poxision, el pi ardito d’Italia e par rivarghe nialtri vemo optà par el percorso pi sugestivo: el “Sentiero dei Pellegrini”.
El sentiero el taca a Brentino Belluno (provincia de Verona), rivar inte sto paexe no le sta mia fasile, par fortuna rivai al ponte sul fiume Adéxe in località Rivalta, vemo notà dei segnali che ne invitava a seguir dei simboli xali lungo a strada e in circa 5 minuti semo rivai sul posto.
Val di Fosse
- Dettagli
- Publicà el Lunedì, 29 Ottobre 2012 21:03
- Scrit da Daniele
A' Val de Fosse, al'interno del Parco Naturale del Grupo de Tessa, xe na vale lateral dela Val Senales traversada dal Rio Fosse che fa sentir a so voxe lungo tuto la vale. Xe una dei posti pi richi de salvarego de l'Alto Adèxe e l’'ambiente xe ancora alo stato "brado" formà da boschi de larici, prati, iaso e neve (anca d'istà). Lungo à strada forestale ghe xe na serie de maxi e casere che d'istà ofre ai turisti posibililità de ristoro e de dormir.
