Conejan: cale Madonna della Neve
- Dettagli
- Publicà el Lunedì, 10 Settembre 2012 08:55
- Scrit da Daniele
Calle Madonna dela Neve le un percorso che dal centro de Conejan ne porta co na comoda salita in sora al Castel. A salita a taca da drio Piasa Cima, seguendo Via Accademia fin in fondo e dopo svoltando a sanca, podopo pochi metri sula drita vedemo el cartel “Calle Madonna della Neve”. Sto bel itinerario in sasi, le inserio tra e vecie mura cararesi, recentemente restaurae. Lungo a strada catemo l'Oratorio della Madonna dela Neve, costruio intorno al 1500 e restaurà nel 1992.
Asolo a cità dei sento orixonti
- Dettagli
- Publicà el Giovedì, 05 Aprile 2012 13:40
- Scrit da Daniele
Cusita ga definio Asolo Giosué Carducci, uno dei tanti artisti che xè stà nei ani, inte sto bel e antico borgo che se staglia maestoso co a so roca ai pié dei Coli Asolani. Sto centro, de probabile orìxene paleo veneta, xà in epoca romana iera deventà de na serta importansa e dotà de acquedoto, terme e teatro. L'epoca de major splendòr se ga vuo co a dominasion venesiana che asicurando un longo periodo de pàxe ga dà un grande impulso ala vita economica del posto. Nel 1489 xè rivada qua Caterina Corner Regina di Cipro, a cui a Serenisima ga dato a signoria su Asolo, che ga sircondà a so corte de artisti e xènte de letere tra cui Giorgione, Lorenzo Lotto, Pietro Bembo e molti altri, trasformando sto borgo in logo d'arte e cultura; un agetivo che ghe rimane anca unquò. Sto centro xè pien de opare d'arte e xè un mucio difisie creàr un percorso che riesa a contegnar tuto quel che ghe xè da vedar. L'itineario che go creà, parte ai pié de Asolo nel parchegio del supermarcà Conad de Via Schiavonesca Marosticana; de fronte podì vedar un cartel che indica el percorso pedonale che in mexa ora de salìda ne porta ala cità.
Palmanova: a cità fortesa
- Dettagli
- Publicà el Martedì, 03 Gennaio 2012 17:29
- Scrit da Daniele
Palmanova xe na cità in provincia de Udine e se trova inte na poxision centrale del Friuli Venesia Julia, le conosua come cità stelata par à so pianta poligonale a stela co 9 ponte (podèe incorxarve de sta roba vardando dal satelite co google maps.
A' so storia a taca inte el XVI sec. co el teritorio furlan caraterizà da na serie de confini a macia de leopardo, dove enclaves de dominio venesian si inseria in aree soto el controlo asburgico e viceversa. Par protegiar el proprio confin orientale Venesia se ga meso in moto par costruir sta fortesa (1593), a cui unicità a sta nel fato de poder mostrar al visitator e inovasion che nei secoli à siensa dele fortificasion a iera drio imaginarse.
