VAL DEL BIOIS e VAL DE GARES

A VAL

Xé una dele pi bée valate dolomitiche; situada in na poxision sentrale tra a Marmolada (3.343 m), el Monte Civeta (3.220 m) e e Pale de San Martìn (3.192 m), coronada dal grupo del Focobon (3054 m) e dale Cime D'Auta (2.650 m). Se estende, par 20 km, dal Paso de San Pelegrin fin a Cencenighe Agordino dove confluise nella Val Cordevole. A val xe collegada ala provincia autonoma de Trento da do pasi, el Valles (2.030 m) ed el San Pellegrin (1.918 m), che i porta uno a Predaso (Val de Fiemme) e chealtro a Moena (Val de Fassa). El so nome deriva dal torente Biois che la traversa.

CANAL D'AGORDO

El paèxe de nasitaq de Papa Giovanni Paolo I (Albino Luciani). In sto posto se gusta el fascino de un paexin de montagna. Alcune case ga ale pareti dele piture religiose che riciama a profonda devosion de sta xènte. Da visitare à Cièsa, el muxeo di Papa Luciani, à Casa delle Regole, à prima Lateria Socio Cooperativa istituia in Italia nel 1872 da l'arciprete don Antonio Della Lucia (purtroppo in dixuso da tanti ani) e el locale dove i austriaci ga costruio a prima bireria d'Italia (ora ristorante), comprada dopo dai fradei Luciani, i fondatori dela Bireria Pedavana.

SENTIERO DA GARES A MALGA STIA

Se parte dal paexin de Gares (m 1381) situà poco dopo Canale d'Agordo. Parchegiada a machine inte el parchegio visin a Cièsa se cata suito i carteli par Malga Stia. El sentiero rento el bosco xe un fià ripido e monotono ma na volta ciapada a strada forestale se va via spedii co bastansa fasilmente fin rivar ai prà ai pié del Cimon della Stia (m 1785) onde catemo a malga. Da qua se ga un panorama stupendo sule cime dei Focobon, su l'Altipian dele Pale e su l'Agner.
Dificoltà: medio-basa Tempo de percorensa: 1,5h (solo andata)