MONTI TOMBA e PAllON

EL POSTO

Importanti punti strategici durante à Prima Guera Mondiale che vide farse a guera Italia e Impero Austro Ungarico, sti tre monti i rapresenta na apendice orientale del Monte Grappa. Qua infati pasava el fronte del Grappa dopo à rota de Caporeto e tuta a xona xe stata custionàda dai oposti schieramenti anca co forti asion de artilierìa , finchè el 30 Giugno del 1918 la xe pasàda definitivamente in man taliana. Soa cima del Monte Palon xe stae ricostruie molto ben e trincee de quel periodo.

ITINERARIO PROPOSTO

Parchegié a machine inte el spiaso visin ala veta del Monte Tomba e ndèe vanti a pié verso el Monte Grapa, seguento el sentiero TV1, a drita podé amirar a Val Beluna e le Alpi Belunexi mentre a sanca à pianura trevixana e se el tempo ve o permete anca à laguna venesiana. El sentiero no xè tanto difisie, ma ghe xé dei strapeti che ve porta prima al Monte Castel Cesil e dopo ale trincee del Monte Palon. Lungo el percorso ghe xé na tratoria e na malga che però le quaxi sempre serada. El tempo de percorensa xe de 2,5 ore caminando tranquiamente.

MONTE TOMBA

MONTE PALLON